اصوات كتير حلوة لكن دماغ مفيش
بيغنوا و يطربوا لكن معاني متلاقيش
نجوم بعيد عنك بتقولك ازاي تعيش
مآساتك ... سبوبة بياكلوا منها عيش
اللي يقوللك احلم اتفائل ده بكرا احلى
اوعى ف يوم تسلم كمل بسيطة سهلة
انت جامد انت تقدر دنيا حلوة عبي غنوة
اعمل فلوس اعمل فيوز احلم و طرمخ ع الكابوس
بيبيعولك الهوا .. بيحطوا السم في الدوا
انت وحيد هما سوا نجوم بعيد في السما
باصين عليك من فوق .. جعانين شهرة فلوس و ضوء
يدولك ميليون أمارة و انت تاخد بالزوق
يديلك ميليون أمارة و حلول كل المشاكل
يرمولك طعم في سنارة تاكل تتشد تتاكل
فوق اغنية او اعلان التوجه يا صاحبي عام
و يفوت ستين عام و العمر يجري أوام
يفضلوا يقولوا بكرا احلى
طب يخي يخي احلى ليه زعلان
كانلك معايا اجمل حكاية في العمر كلة
كانلك معايا اجمل حكاية في العمر كلة
الامل في بقهم زي اللبانة
كل حاجة اشتغالة و الحقيقة بقت رزالة
عاوزينك دايما سجين و عقلك هو الزنزانة
زيهم زي الدبانة شغالين زن زن زن
صحوك من احلى نومة فوق يلا احلم
اوعاك تفكر او تهتم متزودهاش اتلم
فنخليك متفائل وبلاش غم
حياتك البائسة بالنسبالهم غذا بياكلوا
فــ أحلامك الجريئة المتحمسة انت لقمة
اتاكل و انت ساكت المعرفة تهمة
علشان تنجح لازم تبقى ساقط
فنك يبقى هابط صوت يبقى خافت او مش مسموع
كانلك معايا اجمل حكاية في العمر كلة
كانلك معايا اجمل حكاية في العمر كلة
مهما ترسم ع الحيطان الف باب
لسة الحيطان حيطان و الرسمة باب كداب
مهما تفرش طريق اخره لامع بالاضواء
يفيد بايه النور لما يكون سراب
يكتبوا على قبرك كان راجل طيب
عــاش و مات من سكــــــات
سنين و مرت زي الثواني .... في حبك انت
سنين و مرت زي الثواني .... في حبك انت
ليست هناك تعليقات:
إرسال تعليق