بنخاف لا نقرب نتغرب
و نخاف لانجرب نتهرب من بعض كتر
من بعض كتير
بنخاف نتكلم نتألم
وكلامنا يأثر و يعلم
بنخاف لو نسرح ف نبلم .... من غير تفسير
بنخاف لانحب منتحبش
بنخاف لاجراحنا متتلمش
بنخاف نهتم فنتهمش
و نخاف لانغير
بنخاف نتجمع نتفرق .... اول ما بنفرح بنقلق
بنخاف ننجر و نتعلق ... نعشق و نميـــل
.....
بنخاف من الضلمة و من اللمة
من فن الكلمات السامة
بنخاف من روحنا و من ثم ... بنخاف من الغير
بنخاف من اي غريب يجي
بالتالي نخاف من الاشخاص
بنخاف من الخوف التدريجي ... فنخاف و خلاص
بنخاف من الدايرة المقفولة
و نخاف من الصوت و من الصورة
بنخاف من حزن النهايات .... و خداع البدايات الاولى
بنخاف من بعد المسافات ... و من الكلمات المعسولة
بنخاف
بنخاف
بنخاف من معنى الخوف ذاتة
نهايات الخوف او بداياته
من لون الخوف لو ليه لون
تفاصيلة و شكله و علاماته
بنخاف من الخوف قبل النوم
سنين قدام و سنين فاتوا
بنخاف من الايام و نخاف من اي صراع سببه خلاف
بنخاف لما نخاف نتشاف
ونخاف
ونخاف
.. ونخاف ..
ليست هناك تعليقات:
إرسال تعليق