بيقولوا الاغلبية هي الصواب. قريت التاريخ وفهمت الدرس المستفاد.
الاغلبية كانت دايما صوت السكوت. والغش والنفاق دايما حاضر موجود.
وكلمة الحق كانت وحيدة وبعيدة. حاربوها زي ما حاربوا آي حاجة جديدة.
قطيع كبير انا ماشي فيه من غير امل. احاول اخرج يقولوا اتهبل.
قطيع كبير انا ماشي فيه من غير امل. احاول اخرج يقولوا اتهبل.
انا مش منهم.
عاوزني ابعد عن كياني واسيب مكاني. واغير عنواني وابيع احلامي.
خايفين يعلموني لا في يوم افهم. دايما بيفوقوني قبل ما بحلم.
عاوزني افضل جاهل حافظ مش فاهم. واغرق في هموم حياتي و فرزقي اعافر.
قطيع كبير انا ماشي فيه من غير امل. احاول اخرج يقولوا اتهبل.
قطيع كبير انا ماشي فيه من غير امل. احاول اخرج يقولوا اتهبل.
انا مش منهم.
صبحت عاللي قاعد واللي ماشي واللي راكب.
بصيت لبحرك وافتكرت اموات المراكب.
اه يا زمن كان قاسي قادر بس عاللي حابب.
غمضت عيني واتقهرت من بلد العجايب.
تصبحي على كذبة احلى يمكن يشتريها عقلي.
تصبحي على صرخة اعلى يمكن بيها يرق قلبي.
ييغيب صباحك على اللي كاذب او منافق ناوي يغدر.
افضحي كل الديابة. اكشفيه لو ناوي يستر.
اوحش حاجة لو قررت تبقى عادي... عادي.
تبقى واحد وسط زحمة مالعبيد.
اوحش حاجة لو قررت تبقى عادي... عادي.
تبقى سبب ان حر يعيش وحيد.
ارسم, خط الطريق.
نور, شموع تضيء.
اسند, كتف الرفيق.
كمل, لو مهما كان.
ابلع, ملح الدموع.
اصرخ, ملعون ده جوع.
اكسر, نهر الخضوع.
صابر طول الزمان.
قطيع كبير انا ماشي فيه من غير امل. احاول اخرج يقولوا اتهبل.
قطيع كبير انا ماشي فيه من غير امل. احاول اخرج يقولوا اتهبل.
انا مش منهم.
ليست هناك تعليقات:
إرسال تعليق