عايش في هدنة من زمان
آن الأوان أحارب عشان اعيش في سلام
جربت الإستسلام والإنكار كمان
كل الطرق بتأدي لصدام
………………………….
………………………….
صدام مع شخص جوايا اتزرع
تربية الزمن والناس والمجتمع
مش مني بس غضب عني هو المتحكم
زي الإيقاع أغنيه ماشي معاه وخايف أتقدم
………………………….
………………………….
جسمي أصبح سجن وانا فيه محبوس
مكنة دايرة وأنا ترس من التروس
وسيلتي الوحيدة للهروب إني أعيش للناس
سجن أكبر مصطنع مقفول بترباس
………………………….
………………………….
أنا متغرب إستسلام ف شكل السلام
خايف أبعد أنا وخايف أقرب
انكسار ف شكل انتظار
………………………….
………………………….
أَنَا مُتَغَرِّبُ إستسلام ف شَكِلَ السّلَامُ
خايف أَبِعُدٍّ أَنَا وخايف أَقُرُبَ
اِنْكِسَارٌ ف شَكِلَ اِنْتِظَارُ
………………………….
حرب ضد مجتمع مريض وأفكاره
مجتمع اعمى مش شايف انهياره
………………………….
………………………….
مليان أمراض نفسية وعنصرية وطبقية
زي بالظبط ما هو بيخاف من هيا
………………………….
………………………….
هيا تغلط يدبحوها وتتاوى
هوّ يغلط يقولوا معلش دي شقاوة
وقيس على كده كل تفصيلة ف حياتنا
كل المبادئ بتتجزأ ف كل حكاياتنا
………………………….
………………………….
مبقاش ليا فالناس ومش قادر أخبي
كفرت بكل حاجة إلا ربي
ومش هخبي في أسئلة كتيرة عندي
ورغم كل ده لسه الإيمان ف قلبي
………………………….
………………………….
أَنَا مُتَغَرِّبُ إستسلام ف شَكِلَ السّلَامُ
خايف أَبِعُدٍّ أَنَا وخايف أَقُرُبَ
اِنْكِسَارٌ ف شَكِلَ اِنْتِظَارُ
………………………….
………………………….
كل ده ساب فيا أثر
دقت جوايا أجراس الخطر
أفكار كتير نزلت زي المطر
غسلت نفسي من عرف البشر
………………………….
………………………….
الكل شارك في الجريمة الكل داس على الزناد
الكل اختار السكات ودافن راسه في التراب
الكل إلا إستثناء أحرار ورفضوا الاستعباد
محبوسين جوا قطيع متحاوطين بالكلاب
………………………….
………………………….
خلاص مبقاش فيه قلب دقت طبول الحرب
و يا انتصار يا انتحار مفيش عندي إختيار
آن الأوان الحقيقة تنفجر
في وش مجتمع مريض بيحتضر
………………………….
………………………….
أَنَا مُتَغَرِّبُ إستسلام ف شَكِلَ السّلَامُ
خايف أَبِعُدٍّ أَنَا وخايف أَقُرُبَ
اِنْكِسَارٌ ف شَكِلَ اِنْتِظَارُ
ليست هناك تعليقات:
إرسال تعليق