كل يوم ... تفوت ايام ..
وبتجري اوام ... ومش لاحقين
تايهين في دنيا تلاهي ... محدش فيها باقي
ديما عايزين ..
دوام الحـــال .. من المحال
بس الانسان .. يعني النسيان
جينا الدنيا في لفة وماشين منها في لفة ...
و بين اللفتين ... بناخد لفة
جينا الدنيا في لفة و ماشيين منها فى لفة ...
و بين اللفتين ... بناخد لفة
في ناس دنيا وفي ناس دين
وناس من نص العصاية ماسكين ..
والزمن بيبيع بارخص تمن
وفي عز جبروتك يديك بالألم
وبيفتري على الغلبان
وفي النهاية الحكمة بتبان
جينا الدنيا في لفة وماشين منها في لفة ...
وبين اللفتين ... بناخد لفة
جينا الدنيا في لفة وماشين منها في لفة ...
وبين اللفتين ... بناخد لفة
زحمة عتمة .. زعيق وخنــاق
الكل بيجري عايشين في سباق
ده بيحوش ... وده بيكوش ... وده عايز يفرد وشه المتكرمش
كل واحد نفسه يبقى نمرة واحد
وكأنه هيفضل في الدنيا قاعد
جينا الدنيا في لفة
وماشين منها في لفة
وبــين اللــــفتيـــن بنــــاخد لفـــــــة
..
ليست هناك تعليقات:
إرسال تعليق