محدش يموت من الجوع .. لكن يموت موجوع
موجوع من ألمه وده حقه وحسرته
موجوع من ألمه بسكوت إخواته في محنته
لكن آلام .. الجوع ماتتوصف بلسان
أكذب وأقول عارف؟ عمري ما كنت جعان
عمري ماخفت الموت ييجيلي من جوعي
عمر الهوان والضعف مابيِّنوا ضلوعي
عمري مادقت الجوع ولا حسّ بيه لساني
جوعي ده كان في صيامي ساعات وينساني
ولما عليا يشد بشد لاكون شكّاي
طب لما أنا أشكي .. هو يعيش إزّاي؟
حلمي أنا في عيون الناس
لكنه تاه وسط الأحداث
لكني أن مش ناسي
أنا مش ناسي... أنا مش ناسي
ومش قادر أبدأ من جديد
لو العيون ماتشوفش لون ... ولا العقول تفهم لغات
يبقى الغريب زي القريب ... ويتْمِحي المُرّ اللي فات
حلمي أنا ...
أزرع ورود مكان الحدود... بين البشر
أمسح دموع
طفل موجوع
وحاسس بالخطر
حلمي أنا في عيون الناس
لكنه تاه وسط الأحداث
لكني أنا مش ناسي... أنا مش ناسي
ومش قادر أبدأ من جديد
فقير والضلمة ستراني
جعان والعزة منعاني
وحيد وربي ويايا ماينساني..
ليست هناك تعليقات:
إرسال تعليق